“Rusiya Federasiyası Ukrayna ərazisindəki vəziyyətin nizamlanması üçün danışıqlardan imtina etmir, lakin danışıqlar Rusiyanın maraq və narahatlıqlarını nəzərə almaq əsasında aparılmalıdır”.
Elchi.az Rusiya mediasına istinadən xəbər verir ki, bu sözləri Rusiyanın xarici işlər naziri Sergey Lavrov türkiyəli həmkarı Mövlud Çavuşoğlu ilə birgə mətbuat konfransı zamanı deyib.
“Həm prezident, həm də Rusiya nümayəndə heyətinin digər nümayəndələri dəfələrlə bildiriblər ki, biz danışıqlardan imtina etmirik. Lakin danışıqlar yalnız bizim qeyd etdiyimiz əsasda, Rusiyanın maraqları və qanuni narahatlıqlarının nəzərə alınması əsasında aparıla bilər”, – deyə Lavrov bildirib.
XİN rəhbəri onu da vurğulayıb ki, Rusiya NATO ilə danışıqlar və Qərb ölkələri ilə münasibətlərlə bağlı öz mövqeyini dəfələrlə səsləndirib.
Rusiya tərəfi dəfələrlə Kiyevi danışıqlara çağırıb, lakin ötən ilin sentyabrında Ukrayna prezidenti Volodimir Zelenski Ukraynanın Rusiya ilə dialoqdan imtina etməsini qanuniləşdirib.
Bundan əvvəl, Çin Ukrayna böhranının həlli üçün 12 bənddən ibarət öz sülh planını təklif etmişdi. ABŞ və Ukrayna bu sənədi bəyənməyiblr və bunu Kiyevin mövqeyini nəzərə almaması ilə əsaslandırıblar.
Yeganə
Son şərhlər