Latviya hakimiyyəti Rusiya ilə sərhəddəki müdafiə qurğularını modernləşdirmək məqsədilə növbəti yeddi il ərzində Avropa İttifaqından (Aİ) 7 milyard avro vəsait əldə etməyi hədəfləyir.
Elchi.az xəbər verir ki, bu barədə baş nazir Andris Kulberqs məlumat yayıb.
Kulberqs vurğulayıb ki, həmin maliyyə vəsaiti Aİ-nin növbəti uzunmüddətli büdcəsinə daxil edilməlidir. Onun sözlərinə görə, bu, blokun bütün şərq cinahının təhlükəsizliyinin gücləndirilməsi üçün vacibdir.
Latviya hökumətinin başçısı sorğu ilə bağlı ətraflı əsaslandırma təqdim edəcəyini vəd etsə də, konkret hesablamaları təqdim etmədi. Eyni zamanda o qeyd etdi ki, Rusiya və Belarusla sərhədlərin möhkəmləndirilməsi məqsədilə Riqa 2022-ci ildən bəri müvafiq Aİ fondundan tam dəstək almadan artıq 1 milyard avrodan çox vəsait xərcləyib.
Bundan əlavə, Kulberqs diqqətə çatdırdı ki, Latviya hərbi texnikanı Avropa tərəfdaşlarından alır və bununla da faktiki olaraq onların müdafiə sənayesinin inkişafına sərmayə qoyur.
Daha əvvəl Finlandiyanın Rusiya ilə sərhədi boyunca 200 kilometrlik səddin tikintisini başa çatdırdığı bildirilmişdi. Layihənin ümumi dəyəri 365 milyon avro təşkil edib, tikinti işləri isə təxminən iki il davam edib.
Yeganə
