Kanada Silahlı Qüvvələri gələcək “mümkün münaqişələrə” hazırlaşmaq üçün son 30 ildən çox müddətdə ən miqyaslı yenidən təşkilatlanmanı həyata keçirir.
Elchi.az xəbər verir ki, bu barədə “The Globe and Mail” qəzeti məlumat yayıb.
Nəşrin məlumatına görə, uzun illər ərzində Kanada ordusu coğrafi əlamətə görə təşkil olunmuş dörd diviziyadan ibarət idi. Sentyabrın 10-dan başlayan yenidənqurma orduda xaricdəki hərbi əməliyyatlara, ölkənin müdafiəsinə və infrastrukturun dəstəklənməsinə yönəlmiş üç diviziyanın islahatını nəzərdə tutur.
Kanadalı general-mayor Stefan Masson yenidən təşkilatlanmanın tam bir təhdidlər kompleksinə cavab olduğunu bəyan edib. Bunların arasında “böyük dövlətlər arasında rəqabət, iqlim dəyişiklikləri, yeni texnoloji nailiyyətlər və müttəfiqlərin müharibə təcrübəsi” yer alır. “Bütün bu amilləri nəzərə alsaq, aydın olur ki, biz Kanada və onun müdafiəsi üçün həlledici mərhələdəyik”, — deyə o, nəşrə bildirib.
Qəzet qeyd edir ki, ABŞ prezidenti Donald Trampın başladığı ticarət müharibəsi və onun Kanadanın bir birləşdirilməsi ilə bağlı ritorikası fonunda son il yarım ərzində hərbçilərə təzyiq artıb. Ottava ticarət və müdafiə sahəsində Vaşinqtondan asılılığı azaltmağa çalışır və 2025-ci ildə razılaşdırılmış NATO müdafiə göstəricilərinə çatmaq üçün heyətə və silahlara hərbi xərcləri artırır. Soyuq müharibə dövründən bəri ilk dəfə olaraq ordu diviziya tərkibində genişmiqyaslı hərbi əməliyyatların aparılması üçün təşkil edilir.
Məryəm
