İranın Ali Milli Təhlükəsizlik Şurasının baş katibi Əli Laricani Vaşinqtonla danışıqları yenidən başlatmağa çalışdığı iddialarını təkzib edərək, ABŞ ilə danışıqlar aparmayacağını açıqladı.
Elchi.az xəbər verir ki, Laricani, Tehranın ABŞ ilə danışıqları yenidən başlatmağa çalışdığı xəbərləri ilə bağlı sosial media hesabında açıqlama verdi.
Laricaninin Vaşinqtonla danışıqları yenidən başlatmağa çalışdığını və bu tələbin Oman Sultanlığı vasitəsilə edildiyini iddia edən Wall Street Journal (WSJ) xəbərinə istinadən, Laricani “ABŞ ilə danışıqlar aparmayacağıq” dedi.
Başqa bir paylaşımda Laricani ABŞ prezidenti Donald Trampın İranla bağlı açıqlamalarına da reaksiya verdi.
Trampın boş xəyallarla bölgəni xaosa sürüklədiyini vurğulayan Laricani dedi: “İndi o, daha çox Amerika əsgəri itkisindən narahatdır. Öz illüziyaları ilə yaratdığı “Amerika Birinci” şüarını “İsrail Birinci”ə çevirdi və İsrailin hakimiyyət ehtirası naminə Amerika əsgərlərini qurban verdi.” Laricani Trampı “Amerika əsgərlərini və onların ailələrini yeni yalanlarla bədəli ödəməyə məcbur etməkdə” günahlandırdı.
Şayəstə
