Küveyt hökuməti parlamentlə davam edən böhrandan sonra istefa ərizəsini təqdim edib.
Elchi.az xarici mediaya istinadən xəbər verir ki, küveytdə nəşr olunan “Əl-Kəbas” qəzetinin saytında yer alan xəbərdə Şeyx Əhməd Nəvaf əl-Əhməd əs-Sabahın başçılıq etdiyi 2022-ci ilin oktyabrında qurulan hökumətin istefa verdiyi bildirilib.
Xəbərdə hökumətin parlamentlə siyasi böhranda mövqeyini qoruduğu və populist adlandırdığı qanun layihələri ilə bağlı hər hansı öhdəlik götürməkdən imtina etdiyi qeyd edilib.
Ölkədə qanunvericilik və icra hakimiyyəti orqanları arasında böhran yanvarın 10-dan başlayıb. Hökumət üzvləri “Vətəndaşların kredit borcunun azaldılması haqqında” qanun layihəsini rədd edərək, Məclisin iclasından çıxıblar.
Qeyri-rəsmi mənbələrə görə 500 minə yaxın küveyti əhatə edən təklifin ədalət və bərabərlik prinsipinə zidd olduğunu əsas gətirən hökumət tərəfi maliyyə yükü gətirən qanun layihələri ilə bağlı hesabatların müzakirə üçün komissiyalara göndərilməsini və konstitusiyaya və konsensusa əsaslanan həllər əldə edilməlidir.
Rəsmi qurumların istefası ilə bağlı hələlik rəsmi açıqlama verilməyib.
Maraqlıdır ki, Küveytdəki hökumətlər son illər çox qısa ömürlü olub və tez-tez istefa xəbərləri yayılıb.
Yeganə