“Bu vaxta qədər Xəzərin statusunun müəyyənləşdirilməsində başlıca əngəl İran idisə, artıq bu
təşəbbüsü Rusiya əlinə almağa başlayıb”.
Bu sözləri Axar.az-a politoloq Qabil Hüseynli Xəzəryanı ölkə liderlərinin Həştərxan sammitini şərh edərkən söyləyib. O, Putinin çıxışının Xəzərin statusu ilə bağlı düyünün hələ açılması demək olmadığını söyləyib:
“Xəzəryanı ölkələr Həştərxanda Xəzərin statusu ilə bağlı siyasi konsesusa gələ biləcəkləri haqqında razılaşdılar. Bu razılaşma guya bir neçə il sonra Xəzərin statusu ilə bağlı məsələni Astanada keçirilən sammitdə həll etməyə imkan verəcək. Amma məndə olan məlumata görə, bu vaxta qədər Xəzərin statusunun müəyyənləşdirilməsində başlıca əngəl İran idisə, artıq bu təşəbbüsü Rusiya əlinə almağa başlayıb. Özü də Moskva ilə Tehran arasında bu məsələdə gizli iş birliyi var. Kreml bu iş birliyindən öz ölkəsi üçün ciddi mənfəət əldə etmək istəyir. Bu iki ölkədə belə də fikir var ki, 12 millik iqtisadi zonadan əlavə digər yerlər neytral sular elan olunmalı və bütün dövlətlər bundan istifadə etməlidir. Belə olan təqdirdə bizim neft kontraktlarımız, eləcə də Qazaxıstanın Tengiz yatağı ciddi təhlükə altına düşə bilər. Bu konfransda Rusiyanın siyasi bəyanat verməsi yerinə bütün ölkələrin birgə çıxış etməsi daha məqbul variant idi. Burada kiminsə liderliyinə və hamının adından danışmasına ehtiyac yoxdur. Siyasi bəyanatın Putin tərəfindən səsləndirilməsinin özü şübhəli bir əlamətdir. Bu o deməkdir ki, hələ də Xəzərin status düyünü açılmır. Əksinə, bu bəyanatın içərisində bir məsələ də var ki, Rusiya yeni həll variantları təklif oluna bilər. Bu isə problemin çözümünü qeyri-müəyyən müddətə təxirə sala bilər”.
Son şərhlər