Kiyevdə silsilə partlayışlar baş verib.
Elchi.az xəbər verir ki, bu barədə Ukraynanın “Zerkalo Nedeli” nəşrinin Telegram-kanalında məlumat verilib.
“Kiyevdə partlayış səsləri eşidilir”, – nəşr yazır. Bundan əvvəl məlum olub ki, bütün Ukraynada hava həyəcanı elan edilib.
Sentyabrın 6-na keçən gecə Ukraynanın Odessa vilayətində də yeni partlayışların baş verdiyi bildirilir. Hadisənin təfərrüatları verilmir, mümkün qurbanlar və dağıntılar barədə məlumat yoxdur.
Sentyabrın 2-də Ukraynanın Dnepropetrovsk vilayətinin Krivoy Roq şəhərində partlayışlar barədə məlumat yayılıb . Şəhər hakimiyyəti partlayışlar barədə məlumatı təsdiqləsə də, “hər şeyin qaydasında olduğunu” vurğulayıb. Həmçinin Kiyevin nəzarətində olan Zaporojye şəhərində də partlayış baş verib.
Nuranə Məmmədova
Son şərhlər