Kanadada bir orta məktəbdə atışma baş verib. Hücumçu da daxil olmaqla ən azı 10 nəfər ölüb. Yaralılardan 25 nəfərin vəziyyəti ağırdır.
Elchi.az xəbər verir ki, CBC-nin Kanada Kral Atlı Polisinin (RCMP) açıqlamasına istinadən verdiyi məlumata görə, əyalətin Tumbler Ridge bölgəsindəki bir məktəbdə atışma baş verib.
Məktəbdəki atışmada altı nəfər, xəstəxanaya aparılarkən isə daha bir nəfər ölüb.
RCMP bölmələri hücumla əlaqəli olduğuna inandıqları yaxınlıqdakı bir evdə daha iki nəfərin ölü tapıldığını bildirib.
Həmçinin hücumçu olduğu düşünülən bir nəfərin ölü tapıldığı bildirilib.
Yaralıların vəziyyəti ilə bağlı açıqlamada deyilir: “İki qurban ağır və ya həyati təhlükə yaradan xəsarətlərlə xəstəxanaya aparılıb. 25 nəfər həyati təhlükə yaramayan xəsarətlər üçün yerli tibb mərkəzində müayinə olunur. Qalan bütün şagirdlər və işçilər təhlükəsiz şəkildə təxliyə edilib.”
Ölən hücumçunun ərazidəki telefonlara göndərilən hücum xəbərdarlığında “qəhvəyi saçlı və paltarlı bir qadın” kimi təsvir edilən şəxs olduğu təsdiqlənib.
Məktəbdəki təxminən 100 şagird və işçi heyətinin hamısının təhlükəsiz şəkildə təxliyə edildiyi bildirilib.
Bu həftə Tumbler Ridge ərazisindəki ibtidai və orta məktəblərin bağlanacağı elan edilib.
Şayəstə
