Rusiya Silahlı Qüvvələrinin Ka-52 “Alliqator” döyüş helikopterləri Ukrayna Silahlı Qüvvələri üçün kabusa çevrilib. Elchi.az xəbər verir ki, bu barədə “Hindustan Times” qəzeti yazıb.
Qəzet qeyd edib ki, alliqatorlar Donetskin cənubunda və Krasnı Limanda düşmənin zirehli texnikasını və istehkamlarını məhv edərək öz effektivliyini nümayiş etdirirlər. Həmçinin, material müəllifləri rus pilotlarının həddindən artıq aşağı hündürlükdə fəaliyyət göstərmək qabiliyyətinə diqqət çəkiblər.
Avqustda keçmiş amerikalı kəşfiyyatçı Scott Ritter deyib ki, rus qoşunları arxa cəbhədə Ukrayna Silahlı Qüvvələrinə böyük zərbələr vurur. O, Rusiya qoşunlarının Ukraynanın hava hücumundan müdafiə sistemlərini sıradan çıxarmaqda uğurunu qeyd edib ki, bu da onlara havada dominant mövqe tutmağa imkan verib. Nəticədə Ka-52 döyüş helikopterləri həm cəbhə xəttində, həm də cəbhə xəttindən uzaqda yerləşən mövqelərində Ukraynanın zirehli texnikasına və canlı qüvvəsinə dəqiq zərbələr endirir. Keçmiş kəşfiyyatçı qeyd edib ki, nəticədə Ukrayna qoşunları böyük itki verir.
Havar Şəfiyeva
