İsveç üzvlük sənədlərini ABŞ-a təhvil verdi və NATO-nun 32-ci üzvü oldu. NATO-nun baş katibi Stoltenberq açıqlama verib: “İsveç artıq NATO-nun 5-ci maddəsinin himayəsi altındadır”.
Elchi.az xəbər verir ki, ABŞ-ın paytaxtı Vaşinqtonda keçirilən giriş protokolunun qəbulu mərasimi ilə İsveç rəsmi olaraq NATO-nun 32-ci üzvü oldu.
ABŞ dövlət katibi Antoni Blinken və İsveçin baş naziri Ulf Kirstersson Vaşinqtonda görüşdən sonra birgə mətbuat konfransı keçiriblər.
NATO-nun baş katibi Yens Stoltenberq X sosial media hesabındakı paylaşımında İsveçin rəsmi olaraq NATO-ya üzv olduğunu açıqlayıb.
Martın 11-də NATO-nun Brüsseldəki qərargahında rəsmi mərasim keçiriləcək və orada İsveç bayrağı qaldırılacaq.
Macarıstan Milli Assambleyası fevralın 26-da İsveçin NATO-da iştirakını təsdiqlədi və bununla da bütün müttəfiqlər üçün təsdiqləmə prosesi başa çatdı.
İsveç 2022-ci il mayın 18-də NATO-ya üzvlük üçün müraciət edib.
Nuranə Məmmədova
Son şərhlər