Macarıstanın Stokholmun NATO-ya üzvlük ərizəsini tezliklə təsdiqləyəcəyi gözlənilir. Elchi.az Reutersa istinadən xəbər verir ki, bunu İsveçin xarici işlər naziri Tobias Billström bildirib.
İsveç xarici işlər naziri parlamentdəki çıxışında “Türkiyənin ratifikasiya prosesini başa vurmasını alqışlayırıq və Macarıstanın da tezliklə eyni addımı atacağını gözləyirik” – deyə bildirib.
Agentliyin qeyd etdiyi kimi, Macarıstan NATO-nun yeganə üzvüdür ki, İsveçin alyansa qoşulmaq üçün müraciətini hələ də təsdiqləməyib, çünki Budapeşt İsveç rəhbərliyini ölkədə demokratiyaya zərbə vurmaqda ittiham edir.
Qeyd edək ki, bundan əvvəl Macarıstan parlamenti fevralın sonunda İsveçin müraciəti ilə bağlı səsvermə keçirməyi təklif edib.
Havar Şəfiyeva
Son şərhlər