Pakistanda hökm sürən dəhşətli istilər can almağa davam edir. ANS PRESS-in məlumatına görə, ölü sayı artıq 572-yə yüksəlib.
Ölüm hallarının əksəriyyəti Sind vilayəti, Karaçi şəhərlərində qeydə alınıb. Belə ki, burada günvurma ilə bağlı olaraq ölənlərin sayı 300 nəfərdir.
Pakistan kanallarına açıqlama verən səhiyyə nazirliyi rəsmisi Jam Mehtab Hussain Dahar ancaq 347 nəfərin özəl və ya dövlət xəstəxanalarında öldüyünü deyib.
Sind əyalətində bütün dövlət xəstəxanalarında fövqəladə vəziyyət elan edilib, səhiyyə işçilərinin məzuniyyəti ləğv edilib.
Pakistan mərkəzi və cənubunda havanın hərarəti 47 dərəcəyə çatıb.
Sinoptiklər qızmar havanın ölkədə iyun ayının 24-dək davam edəcəyini proqnozlaşdırırlar.
Xatırladaq ki, ötən ay eyni vəziyyət Hindistanda da müşayiət edilirdi. Şiddətli istilər bu ölkədə 1700 nəfərin ölümünə səbəb olmuşdu.
Son şərhlər