Fələstinli qruplarla toqquşmalar və Livan sərhədində gərginliyin artması səbəbindən ABŞ vətəndaşları və onların İsraildəki birinci dərəcəli qohumları gəmi ilə ölkədən çıxarılır.
Elchi.az xəbər verir ki, ABŞ-ın İsraildəki səfirliyi ABŞ vətəndaşlarının və onların İsraildəki birinci dərəcəli qohumlarının bu gün gəmi ilə Hayfa limanından təxliyyə ediləcəyini açıqlayıb.
Bu elandan sonra çoxlu ABŞ vətəndaşı səhər tezdən Hayfa limanına gəlib. Təxliyə üçün qeydiyyatdan keçən ABŞ vətəndaşları və onların birinci dərəcəli qohumları limanın qarşısında növbələr yaradıblar.
Adları siyahıda olanlar səfirlik əməkdaşları tərəfindən şəxsiyyəti və pasport nəzarətindən sonra limana aparılıb.
Adları siyahıda olmayanlar adamların gəlməməsi ehtimalını nəzərə alaraq gəmidə açılacaq yer gözləyirdilər.
Zaman-zaman adları siyahıda olmadığı üçün limana buraxılmayanlarla səfirlik işçiləri arasında gərginlik yaranıb.
Səfirlik rəsmiləri təxliyyənin təfərrüatları barədə məlumat verməsələr də, bölgədəki mənbələr təxliyyə gözləyən gəminin 2500 nəfər tutumunun olduğunu və 2 mindən çox adamın təxliyə üçün qeydiyyatdan keçdiyini bildirib.
Mənbələr qeyd edib ki, siyahıda kiminsə adı varsa, amma görünmürsə, qeydiyyatdan keçməyənlər də gəmiyə götürüləcək.
Prosedurlar tamamlandıqdan sonra ABŞ vətəndaşlarını daşıyan gəmi Hayfa limanından Cənubi Kiprin Yunan Administrasiyasına doğru yola düşəcək.
Nuranə Məmmədova
Son şərhlər