İsrail mediası ABŞ və İsrailin Tel-Əvivə çoxlu F-35, F15 AI təyyarələri, Apache döyüş helikopterləri və minlərlə döyüş sursatının tədarükü daxil olmaqla böyük silah müqaviləsi imzaladığını açıqlayıb.
Elchi.az xəbər verir ki, İsrailin Fələstində və Qəzza zolağında qırğın hücumları dayanmadan davam edərkən, İsrail və ABŞ böyük əks-səda doğuracaq bir razılaşma imzaladılar.
İsraildə yayımlanan “Kanal 12” televiziyası Vaşinqtonla razılaşmada iştirak edən Müdafiə Nazirliyinin İsrail rəsmilərinin bu sözlərini sitat gətirib:
“Qəzza zolağında davam edən müharibə zamanı ABŞ və İsrail arasında dramatik silah müqaviləsi imzalanıb. Yaxın bir neçə gün ərzində İsrail ordusuna üç yeni eskadrilya və yerləşdiriləcək minlərlə sursat veriləcək”.
Adı açıqlanmayan rəsmilərin sözlərinə görə, razılaşma İsrail ordusuna çoxlu sayda F-35 və F15 AI təyyarələri və Apache döyüş helikopterlərinin verilməsini əhatə edir.
Rəsmilər Qəzzada müharibənin və şimalda Livan Hizbullahı ilə toqquşmaların davam etdiyi bir vaxtda imzalanan müqavilənin “qeyri-adi dərəcədə böyük” olduğunu bildirib.
Nuranə Məmmədova
Son şərhlər