İsrail və HƏMAS Qəzzada atəşkəs sazişi imzalayıb

İsrail və HƏMAS Qəzzada atəşkəs sazişi imzalayıblar.
Elchi.az xəbər verir ki, bu barədə “Reuters” məlumat yayıb.
“İsrail və Fələstinin HƏMAS silahlı qruplaşması cümə axşamı atəşkəs və fələstinli məhbusların müqabilində israilli girovların azad edilməsi haqqında saziş imzalayıb”, – deyə məlumatda bildirilir.
Qəzza zolağında İsrail və HƏMAS arasında atəşkəs qüvvəyə minib. Trampın vasitəçiliyi ilə imzalanan razılaşmanın birinci mərhələsinə əsasən , hər iki tərəfdən bütün girovlar azad ediləcək və İsrail qoşunları razılaşdırılmış xəttə çəkiləcək.
Sentyabrın 13-də ABŞ prezidenti Donald Tramp Fələstinin HƏMAS hərəkatına atəşkəslə bağlı qərar vermək üçün “3-4 gün” vaxt verəcəyini açıqlayıb. Ağ Ev rəhbərinin sözlərinə görə, HƏMAS təklif olunan atəşkəsdən imtina edərsə, İsrail lazımi addımı atacaq.