İşğal altındakı İordan çayının qərb sahilində İsrail hərbçiləri 10 fələstinlini yaralayıb, 13 nəfəri isə həbs edib.
Elchi.az xəbər verir ki, şahidlərin sözlərinə görə, yüzlərlə İsrail əsgəri Yerixo şəhəri yaxınlığındakı Aqaba Cabr qaçqın düşərgəsinə basqın edib. Əsgərlərin onlarla evə girdiyi düşərgədə şiddətli toqquşmalar baş verib.
Fələstinli mənbələr 10 fələstinlinin canlı güllələrdən yaralandığını, onlarla insanın gözyaşardıcı qazdan boğulma təhlükəsi ilə üzləşdiyini, 13 nəfərin isə İsrail qüvvələri tərəfindən nəzarətə alındığını bildirib.
İşğal altındakı İordan çayının qərb sahili və Şərqi Qüdsdə evlərə tez-tez basqın edən İsrail qüvvələri müxtəlif ittihamlarla fələstinliləri nəzarətə götürür.
İsrail ordusunun basqınına reaksiya verən fələstinlilərlə əsgərlər arasında vaxtaşırı toqquşmalar baş verir.
Şayəstə Hüseynova
Son şərhlər