İsrail İranın təlimlər adı altında mümkün hərəkətləri barədə xəbərdarlıq edir, ABŞ və öz qüvvələrini müdafiəni koordinasiya etməyə çağırır.
Elchi.az xəbər verir ki, “Axios”un məlumatına görə, “Təl-Əviv” ABŞ administrasiyasına İrandan potensial zərbə təhlükəsi barədə məlumat verib ki, bu da təlim kimi maskalana bilər.
Kəşfiyyat yalnız daxili qoşunların hərəkətini qeyd etsə də, 2023-cü il oktyabrın 7-də HƏMAS-ın hücumundan sonra IDF risk tolerantlığını azaldıb.
Mənbələrdən biri qeyd edib ki, “İranın hücumu ehtimalı 50%-dən azdır, lakin heç kim riskə girib bunun sadəcə bir məşq olduğunu söyləmək istəmir”. Amerika kəşfiyyatı hələ də gözlənilməz hücum əlamətini görməyib.
İsrailin Baş Qərargah rəisi, general-leytenant Eyal Zamir ABŞ Mərkəzi Komandanlığının rəhbəri admiral Bred Kuperlə əlaqə saxlayıb, İran İnqilabı Keşikçiləri Korpusunun raket təlimləri və gözlənilməz hücuma qarşı qorunma ehtimalı barədə xəbərdarlıq edib.
Zamir müdafiə hərəkətlərini yaxından əlaqələndirməyə çağırıb. Kuper Təl-Əvivdə İDF-nin yüksək vəzifəli rəsmiləri ilə görüşdə iştirak edib.
Yeganə
