İsrail hökuməti parlamentdə mübahisəli büdcəni qəbul edib

73

İsraildə baş nazir Binyamin Netanyahunun rəhbərlik etdiyi koalisiya hökumətinin ultra-ortodoks yəhudilərə imtiyaz verdiyi səbəbiylə etirazlara səbəb olan mübahisəli 2023-2024 büdcəsini qəbul edib.
Elchi.az xəbər verir ki, Netanyahunun koalisiya hökumətini quran ifrat sağçı və ultra-ortodoks yəhudi partiyaları ilə razılığa gəlməsindən sonra parlamentə gətirilən 2023-2024-cü il büdcəsi 64 “hə” və 56 “xeyr” səsi ilə qəbul edilib.
Səsvermə nəticəsində büdcə 2023-cü il üçün 484 milyard şekel (təxminən 132 milyard dollar), 2024-cü il üçün isə 514 milyard şekel (təxminən 140 milyard dollar) olaraq müəyyən edilib.
Büdcə parlamentdə qəbul edildikdən sonra Baş nazir Netanyahu ölkədə aylardır kütləvi nümayişlərə səbəb olan və hökumətin dayandırmaq məcburiyyətində qaldığı mübahisəli “məhkəmə islahatı” qanun layihələrinin də parlamentə qayıdacağını açıqlayıb.
Kanal 14 televiziyasına danışan Netanyahu, “məhkəmə sisteminin səlahiyyətlərini zəiflətdiyi” üçün tənqid edilən qanun layihəsinin yenidən “mütləq” gündəmə gələcəyini bildirib.
“Biz artıq məsələnin ortasındayıq, müxalifətlə razılığa gəlməyə çalışırıq və ümid edirik ki, uğur qazanacağıq”, – Netanyahu qanun layihəsi üzərində konsensusa nail olmaq üçün müxalifətlə davam edən danışıqlara toxunaraq deyib.

Şayəstə Hüseynova