Miqrasiya böhranı ilə üzləşən Seutaya dəstək məqsədilə Madriddə və İspaniyanın digər şəhərlərində kütləvi aksiyalar keçirilib.
Elchi.az xəbər verir ki, bu barədə “Reuters” agentliyi məlumat verib.
45 yaşlı müəllim David Ernandes deyib: “İspaniya hökumətinin reaksiyası qeyri-adekvat və gecikmiş idi; ən əsası isə, hökumət öz vəzifələrini yerinə yetirməkdə tamamilə uğursuzluğa düçar oldu. Biz ikinci dərəcəli vətəndaş ola bilmərik və sərhədimiz diqqətdən kənarda qalmamalıdır”.
Agentliyin məlumatına görə, etirazçıların plakatlarında hakimiyyətdən işğalçıları qovmaq tələbləri, vahid Avropaya xalqı xain hökumətdən xilas etmək çağırışları və İspaniyanın Baş naziri Pedro Sançesin istefası ilə bağlı tələblər əks olunub.
İspaniya hökumətinin Madriddəki nümayəndəliyinin məlumatları mitinqdə təxminən 50 000 nəfərin iştirak etdiyini göstərdiyi halda, şəhər administrasiyası nümayişçilərin sayını 150 000 olaraq qiymətləndirib. Məlumatlara görə, Madriddəki etiraz aksiyaları nümayişçilərlə polis arasında toqquşmalarla başa çatıb. İspaniya təhlükəsizlik qüvvələri gözyaşardıcı qazdan istifadə edib və xəsarət alanların olduğu bildirilir.
Daha əvvəl yüzlərlə miqrant İspaniyanın muxtar şəhəri Seutada etiraz aksiyası keçirib. Etirazçılar İspaniya bayraqlarını dalğalandırıb və Avropa ölkəsində sığınacaq tələb edən plakatlar qaldırıblar.
Yeganə
