İspaniyada “qızıl viza” sxemindən imtina etmək istəyirlər

İspaniya ölkədə əmlaka sərmayə qoyan əcnəbilərə yaşayış icazəsi verən “qızıl viza” adlanan sxemindən imtina edə bilər.

Elchi.az News.am-a istinadən xəbər verir ki, bu barədə solçu “Mas Pais” partiyasının lideri İniqo Errejon jurnalistlərə bildirib.

Errejon qeyd edib ki, onun “Mas Pais” partiyası Sosial Müdafiə Nazirliyi ilə azı 500.000 avro dəyərində mülk alıcılarına və onların ailələrinə üç illik yaşayış icazəsi almağa imkan verən proqramı dayandırmaq üçün ilkin razılaşma əldə edib.

“İspaniya vətəndaşlığını almaq mümkün deyil” deyən Errejon, “qızıl vizaların” evlərin qiymətlərinin sürətlə artmasına səbəb olduğunu və yerli sakinləri yeni iş yerləri yaratmadan məhəllələrini tərk etməyə məcbur etdiyini bildirib.

Nazirlik proqramı başa çatdırmaq üçün heç bir planı təsdiq etməyib. Danışıqlarla tanış olan mənbə bildirib ki, nazirlik hələ də siyasi partiyaların təkliflərini öyrəndiyi üçün hələlik razılıq əldə olunmayıb.

Hökumətin məlumatlarına görə, 2013-cü ildə “qızıl viza” proqramının başlamasından ötən ilin noyabrına qədər İspaniya 5000-ə yaxın icazə verib və siyahıya Çin investorları başçılıq edir.

Yeganə