İsrailin Qəzza zolağında törətdiyi soyqırımına səssiz qalmaqdan imtina edən İspaniya hökuməti İsrailə qarşı sanksiyalar tətbiq etmək qərarına gəlib. Ölkədə imzalanan 9 bənddən ibarət sanksiya paketi İsrail ordusunda xidmət edən israillilərin ölkəyə girişinə ömürlük qadağa və sionist istehsalatlarında aktyorların çıxışına qadağa daxildir. Rəsmilər sanksiyaların ucsuz-bucaqsız olduğunu və İsrailin açıqlamaları ilə formalaşacağını vurğulayıblar.
Elchi.az xəbər verir ki, Baş nazir Pedro Sançesin İsrailə qarşı elan etdiyi sanksiyalar Nazirlər Şurasının iclasında təsdiqlənib.
AB-İsrail Assosiasiya sazişinin 2-ci maddəsinin İsrail tərəfindən açıq şəkildə pozulduğunu və Avropa Komissiyasının da bu mövzuda hesabat hazırladığını vurğulayan Albares, 21 sentyabrda keçiriləcək BMT Baş Assambleyasında qəti addımların atıla biləcəyini bildirib.
Albares həmçinin qeyd edib ki, “Qəzzada soyqırım, insan haqları pozuntuları və hərbi cinayətlərdə bilavasitə əli olan bütün şəxslərin İspaniya ərazisinə girişinin qadağan edilməsini” ehtiva edən doqquz bənddən ibarət sanksiyalar siyahısı açıqdır və İsrail tərəfindən hər hansı yeni bəyanatla əlavə oluna bilər.
İspaniya hökumətinin “Qəzzada soyqırıma qarşı tədbirlər və Fələstin xalqına dəstək” başlığı altında İsrailə qarşı tətbiq etdiyi 9 bəndlik sanksiyalar siyahısı belədir:
• 2023-cü ilin oktyabr ayından İsrailə tətbiq edilən silah embarqosunun qanuni şəkildə gücləndirilməsi və bu ölkəyə silah, sursat və hərbi texnikanın alınması və satışına qanuni və daimi qadağa qoyulması.
• İsrail ordusu üçün yanacaq daşıyan bütün gəmilərin İspaniya limanlarından keçməsi qadağan edilib.
• İsrailə müdafiə ləvazimatları daşıyan bütün rəsmi təyyarələrin İspaniya hava məkanına daxil olması qadağandır.
• Qəzzada soyqırım, insan hüquqlarının pozulması və müharibə cinayətlərində bilavasitə əli olan bütün şəxslərin İspaniya ərazisinə girişinə qadağa qoyulması (Onlara qarşı soyqırımda iştirak ittihamı ilə araşdırma aparılacağı bildirilir).
• Qəzza və İordan çayının qərb sahilindəki qeyri-qanuni məskunlaşmalardan məhsulların idxalına qadağa qoyulması, bu işğallarla mübarizə, fələstinli mülki əhalinin məcburi köçkünlüyünün dayandırılması və iki dövlətli həll yolunun canlı tutulması
• Qeyri-qanuni İsrail yaşayış məntəqələrində yaşayan İspaniya vətəndaşlarına göstərilən konsulluq xidmətlərinin minimum qanuni tələb olunan xidmətlə məhdudlaşdırılması
• Rəfah Sərhəd Keçidində Avropa İttifaqının Sərhəd Yardım Missiyasında ispan hərbçilərinin sayının artırılması və Fələstin Dövləti ilə kənd təsərrüfatı, ərzaq təhlükəsizliyi və tibbi yardım sahələrində yeni əməkdaşlıq layihələrinin qurulması ilə İspaniyanın Fələstinə dəstəyinin gücləndirilməsi.
• İspaniya Qəzza xalqına yardım məqsədilə Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinə (UNRWA) töhfəsini 10 milyon avro artırıb.
• Qəzzaya humanitar yardım və əməkdaşlığı 2026-cı ilə qədər 150 milyon avroya çatdırmaq.
• Bundan əlavə, İspaniya Kino Sənətçiləri Birliyi sionist kino şirkətlərinin istehsalatlarında rol almayacaqlarını bəyan edib.
Nuranə Məmmədova
