Pentaqon İraqda İŞİD qüvvələrinə məxsus olduğu iddia edilən mövqelərə aviazərbələrin endirilməsini əks etdirən kadrlar yayıb. ANS PRESS-in məlumatına görə, Pentaqonun videonu müşayiət edən açıqlamasında deyilir ki, aviazərbələr ABŞ-ın rəhbərlik etdiyi beynəlxalq koalisiyanın “Xüsusi Həll Yolu” adlandırılan əməliyyatı çərçivəsində endirilib.
Beynəlxalq koalisiya İraqla yanaşı, Suriyada da İŞİD mövqeləri olduğu ehtimal edilən ərazilərə və binalara aviazərbələr endirir. Qurudan isə əməliyyata kürd Pişmərgə qüvvələri və İraq ordusu dəstək verir.
