İrlandiyanın Ədliyyə, Daxili İşlər və Miqrasiya Nazirliyi İsrailin maliyyə naziri Betsalel Smotriç və milli təhlükəsizlik naziri İtamar Ben-Qvirin ölkəyə girişini qadağan edib.
Elchi.az xəbər verir ki, bu barədə İrlandiyanın Baş naziri Mixol Martin məlumat verib.
“Anladığım qədərilə, ədliyyə naziri Cim O’Kallaqan öz tabeçiliyində olan şəxslərə nazir Ben-Qvir və nazir Smotriçin İrlandiyaya girişinə qadağa qoyulması barədə göstəriş verib”, — deyə hökumət başçısı bildirib. Onun sözlərini “The Irish Times” qəzeti sitat gətirib.
Martin Ben-Qvir və Smotriçə qarşı məhdudiyyətlərin Avropa İttifaqı səviyyəsində də tətbiq edilməli olduğu fikrini ifadə edib. Baş nazir əlavə edib ki, hər iki nazir “Fələstin ərazisində fələstinliləri məhv etmək istəyi” kimi qiymətləndirilə biləcək bəyanatlara yol veriblər.
Məryəm
