İran paytaxt Tehran yaxınlığında aztəminatlı insanların mənzil sahibi olması üçün nəhəng şəhər salıb. Layihə inflyasiyaya görə yarımçıq qalıb. 23 min 938 tərk edilmiş ev qəzalı vəziyyətə düşüb.
Elchi.az bu barədə “Haber7” yə istinadən xəbər verir.
İranın paytaxtı Tehranın 50 kilometrliyində göydələnlərdən “Cənnət şəhəri” adlı yeni şəhər salınmalı idi. 2001-2011-ci illərdə yollar çəkildi, çoxmənzilli binalar tikildi, xəstəxanalar, məktəblər tikildi. “Mehra Mer Layihəsi” iqtisadi səbəblərə görə tamamlana bilmədi. Səhranın ortasında tikinti yarımçıq qaldığından mənzillər xarab olur. Toz və torpağa bürünmüş bölgə sanki müharibədən çıxıb.
Mehra Mer İranda ən böyük layihə uğursuzluqlarından biri hesab olunur. Layihə artan əhali ilə yaranan mənzil problemini aradan qaldırmaq, aztəminatlı və işçi təbəqədən olan insanların ev sahibi olmasına şərait yaratmaq məqsədi ilə həyata keçirilib. Lakin ilk mənzillərdə kanalizasiya və istilik sistemləri nasaz olub, su çatışmazlığı olub, elektrik enerjisinin verilişində fasilələr yaranıb.
2017-ci ildə baş verən zəlzələdə yaşayış binalarının əksəriyyəti dağıldıqdan sonra artıq əsasən boş olan ərazi tamamilə tərk edilib. İqtisadi çətinliklər yaşayan ölkədə yüksək inflyasiya layihənin tabutuna son mismar oldu.
Quş baxışı ilə yerdən yuxarı qalxan təxminən 100 qüllə blokunu görmək olar. Bu nəhəng 100 qüllədə 23 min 938 ev var. Çoxmənzilli binalar səhra istisində qızararkən, layihədə nə parkın, nə ağacların, nə də yaşıllığın olmaması da diqqət çəkir.
Nuranə Məmmədova
Son şərhlər