“İran Suriya silahlı qüvvələri ilə əməkdaşlığa hazırdır”-Səlami

41

İran Suriya silahlı qüvvələri ilə əməkdaşlığa hazırdır.

Elchi.az İranın Mehr agentliyinə istinadən xəbər verir ki, bunu İran İslam İnqilabı Keşikçiləri Korpusu komandanı general-mayor Hüseyn Səlami Tehranda Suriyanın müdafiə naziri Əli Mahmud Abbasla görüşü zamanı deyib.

Onun sözlərinə görə, İran İslam İnqilabı Keşikçiləri Korpusu Suriya silahlı qüvvələri ilə təhsil sahəsində əməkdaşlığı, o cümlədən komanda və qərargah kurslarını modernləşdirməyə hazırdır.

O, Suriya və İran arasında müdafiə və hərbi əməkdaşlığın inkişaf etdirilməsinin vacibliyini vurğulayıb.

Əli Mahmud Abbas da öz növbəsində İranın İŞİD və terrorçularla mübarizədə Suriyaya verdiyi dəstəyi yüksək qiymətləndirib:

“Suriya xalqı İranın general Qasım Süleymaninin başçılığı ilə terrorçularla mübarizədə dəyərli dəstəyini və köməyini heç vaxt unutmayacaq. Bölgədəki, o cümlədən Fələstindəki müqavimət hərəkatlarına verdiyiniz yardım təkzibolunmaz bir həqiqətdir və İslam ümmətinin düşmənlərinin məğlubiyyətinə və qəzəbinə səbəb olub”.

Yeganə