İran prezidenti İbrahim Rəisi aprelin 22-dən 24-dək davam edəcək üç günlük rəsmi səfərlə Pakistana gəlib.
Elchi.az İrna.ir-ə istinadən xəbər verir ki, bu barədə Radio Pakistan Dövlət Yayım Korporasiyası məlumat yayıb.
Qeyd olunur ki, onu “Noor Xan” hava limanında Pakistanın Federal Mənzil və İctimai Təsərrüfat naziri Riaz Hüseyn Pirzada qarşılayıb. Rəisini xanımı və İranın xarici işlər naziri Hüseyn Əmir Abdullahiyan və hökumətin digər üzvləri, eləcə də işgüzar dairələrin nümayəndələri də daxil olmaqla yüksək səviyyəli nümayəndə heyəti müşayiət edir.
İran prezidenti Pakistanın baş naziri Şahbaz Şəriflə görüşəcək. Eyni zamanda, nümayəndə heyətləri səviyyəsində danışıqlar aparılacaq. Səfər çərçivəsində Rəisi Pakistan prezidenti Asif Əli Zərdari və İslam Respublikası parlamentinin yuxarı və aşağı palatalarının sədrləri ilə də görüşəcək. Bundan əlavə, İran prezidenti Lahor və Kəraçiyə də səfər edəcək.
Pakistan Xarici İşlər Nazirliyinin məlumatına görə, səfər zamanı İran-Pakistan əlaqələrinin gücləndirilməsi və ticarət, rabitə, enerji və kənd təsərrüfatı sahələrində əməkdaşlığın inkişafı müzakirə olunacaq. Tərəflər regional və qlobal hadisələrin inkişafını, həmçinin ümumi terrorizm təhlükəsi ilə mübarizədə ikitərəfli əməkdaşlığı müzakirə edəcəklər.
Yeganə
Son şərhlər