İran ABŞ və onun müttəfiqləri ilə əlaqəli neft yüklərinin Hörmüz boğazı vasitəsilə daşınmasına imkan verməyəcək.
Elchi.az xəbər verir ki, bu barədə İran Silahlı Qüvvələrinin “Xatəm əl-Ənbiya” mərkəzi qərargahının nümayəndəsi bildirib. Məlumatı Al Alam telekanalı yayıb.
O bildirib:
“ABŞ və onun müttəfiqlərinin maraqları naminə Hörmüz boğazından bir litr belə neftin daşınmasına icazə verməyəcəyik.”
Bundan əvvəl İran hərbçilərinin Hörmüz boğazında bir gəmiyə zərbə endirdiyi barədə məlumat yayılmışdı.
İslam İnqilabı Keşikçiləri Korpusunun (İİKK) komandanının müşaviri İbrahim Cəbari qeyd edib ki, boğazdan keçməyə cəhd edən istənilən gəmi məhv edilə bilər. O əlavə edib ki, İran zərurət yaranarsa Yaxın Şərqdəki bütün neft kəmərlərinə də zərbə endirməyə və regiondan neft ixracını bloklamağa hazırdır.
Yaxın Şərqdə baş verən hadisələrlə əlaqədar Norveçin energetika naziri Terje Oslann bildirib ki, Avropa İttifaqı ölkələri Rusiyadan neft və qaz tədarükünün bərpası məsələsini yenidən müzakirə edə bilər.
Məryəm
