ABŞ göstərdi ki, o, Fələstin xalqına qarşı hərtərəfli müharibənin, müharibə cinayətlərinin və soyqırımın davam etdirilməsinin mühüm hissəsi olaraq qalır. Elchi.az xəbər verir ki, bu barədə İran Xarici İşlər Nazirliyinin sözçüsü Nasser Kanaani “X” sosial şəbəkəsindəki səhifəsində yazıb.
Diplomat qeyd edib ki, münaqişə başlayandan bəri ABŞ Nümayəndələr Palatası İsrailə 14,3 milyard dollar maliyyə yardımı ayrılmasını təsdiqləyib. O, Vaşinqtonun atəşkəsə qarşı olduğunu da qeyd edib.
Qeyd edək ki, bundan əvvəl İranın ali dini lideri Ayətullah Əli Xamenei müsəlman ölkələrini İsrailə neft və ərzaq tədarükünü dayandırmağa çağırıb. “Müsəlman ölkələrinin qeyd-şərtsiz və dərhal razılaşmalı olduğu şey İsrailin Fələstində törətdiyi cinayətlərə son qoymaqdır. Neft və ərzaq ixracı dayandırılmalıdır”, – deyə o bildirib.
Onun sözlərinə görə, müsəlman ölkələri İsraillə bütün növ ticarət və iqtisadi əməkdaşlığı dayandırmalıdır.
Havar Şəfiyeva
Son şərhlər