İran Xarici İşlər Nazirliyinin sözçüsü Naser Kenani deyib: ABŞ-ın bəzi ölkələrin suverenliyi və ərazi bütövlüyünə qarşı hərəkətləri Vaşinqtonun regionda sülh, sabitlik və təhlükəsizlikdəki roluna inanmaq olmaz.
Elchi.az xəbər verir ki, Xarici İşlər Nazirliyinin sözçüsü Kənani paytaxt Tehranda keçirdiyi mətbuat konfransında gündəmi dəyərləndirib.
Bölgədə müharibə və qarşıdurmanın genişlənməsini istəmədiklərini deyənlərin əks istiqamətdə hərəkət etdiklərini bildirən Kenani, “ABŞ-ın ölkələrin suverenliyi və ərazi bütövlüyünə qarşı hərəkətləri göstərir ki, beynəlxalq ictimaiyyət bu ölkənin regionda sülh, sabitlik və təhlükəsizlikdəki roluna inana bilməz”. deyib.
ABŞ və İngiltərənin İraq, Suriya və Yəmənə qarşı hücumlarını dəyərləndirən Kenani, “ABŞ və İngiltərə İsrailin baş naziri Binyamin Netanyahu və İsrailin maraqlarını bölgədə sülh və təhlükəsizlikdən üstün tutdu” dedi.
“Böyük Britaniya və ABŞ-ın hərəkətləri göstərir ki, onlar regional məsələləri düzgün başa düşmürlər”, – Kenani bildirib.
İranın bölgədə heç bir vəkil gücü olmadığını iddia edən Kenani heç bir ölkə ilə qarşıdurma və gərginlik miqyasını genişləndirməyə çalışmadıqlarını bildirib.
Ölkəsinin son 4 aydakı hərəkətlərinin regionda sabitliyi təmin etməyə, müharibə və böhranın inkişafının qarşısını almağa çalışdığının sübutu olduğunu söyləyən Kenani, “Sionist rejimi (İsrail) öz strateji məqsədlərinə çatmaq və qeyri-qanuni maraqlarını təmin etmək üçün vəkil güc kimi istifadə edən ABŞ-dır”. deyib.
Şayəstə Hüseynova