Kommunist Partiyası Mərkəzi Komitəsinin rəsmi mətbuat orqanı olan “Granma” qəzetində Obamanın Kubaya etdiyi tarixi səfər haqda fikirlərini bölüşən Kastro sərt ifadələrdən istifadə edib və imperiyanın (ABŞ – red.) onlara nəsə hədiyyə etməsinə möhtac olmadıqlarını qeyd edib.

Kastro “Qardaş Obama” sərlövhəli məqalədə Kubanın “şərəfli və fədakar” bir ölkə olduğunu bildirərək “Kuba xalqı təhsil, elm və mədəni inkişafla əldə edilmiş qələbələrdən, hüquqlardan və mənəvi sərvətlərdən heç vaxt əl çəkməyəcəkdir” ifadələrinə yer verib.

HƏDİYYƏYƏ MÖHTAC DEYİLİK

“İmperiyanın bizə nəsə hədiyyə etməsinə möhtac deyilik. Biz sülh yolu tutmuşuq, çünki, bu bizim dünya üzərində yaşayan bütün insanların sülh və qardaşlığına olan məsuliyyətimizdir”, – deyən Castro, Kuba xalqının sahib olduğu güc və ağlı ilə ərzaq və maddi ehtiyaclar istehsal edəcək bacarığa da malik olduğunu əlavə edib.

“OBAMANIN SÖZLƏRİ KUBALILARA “İNFAKT” RİSKİ YAŞATDI”

ABŞ prezidentinin Havana Qran Teatrındakı çıxışında “keçmişi unudub, gələcəyə baxaq” və kubalılarla amerikalıları nəzərdə tutan “yoldaş, ailə və qonşu” sözlərinə 89 yaşlı inqilabçı lider rişxənd edərək Kubalıların buna görə “infakt olma” riski qarşısında qaldıqlarını deyib.

“OBAMANIN O VAXT HEÇ 10 YAŞI YOX İDİ”

Obamanın çıxışı zamanı Kuba və ABŞ-ın afro-amerikan köklərinə toxunmasını da tənqid edən Fidel Kastro sərt fikir səsləndirib: “Yerli xalqlar Obamanın havasında heç bir yer tutmur. İrqi diskriminasiyanın inqilabla birgə süpürülüb yox edildiyinə dair Obama bir söz də demədi. Onu deyim ki, biz bütün Kubalıların iş və pensiya hüquqları elan edəndə Obamanın 10 yaşı da yox idi. Qara vətəndaşların (zəncilərin) əyləncə və dövlət ərazilərinə girişinə qoyulmuş iyrənc qadağanı, irqçi burjua vərdişini Kuba inqilabçıları hələ o vaxtlar bu torpaqlardan çıxarıb atıb”.

60 ildən uzun müddətdir ki, Kubaya tətbiq olunan embarqoya da toxunan Kastro, həmçinin 1961-ci ildə xüsusi tutulmuş pullu döyüşçülərin ABŞ-a aid təyyarə və döyüş gəmiləri ilə Kubaya basqın etdiyini və bombardman nəticəsində yüzlərlə insanın həyatını itirdiyini də xatırladıb:

“Heç bir şey yüzlərlə insanın ölümünə səbəb olan bu qərəzli hücumu haqlı çıxara bilməz”.

Ölkə.Az