Yeddi il öncə kosmosa göndərilmiş “SpaceX” raketinin bir hissəsi beş həftə ərzində Ayın qaranlıq hissəsinə düşəcək.
Elchi.az-ın “USA Today”a istinadən verdiyi xəbərə görə, 2015-ci il fevralın 11-də Florida ştatındakı Keyp Kanaveral aerodromundan buraxılan “Falcon 9” raketi 340 milyon ABŞ dollar dəyərindəki “Dərin Kosmos İqlim Rəsədxanası” peykini (DSCOVR) kosmosa daşıyıb.
4 ay sonra DSCOVR peyki yerdən 620 min mil (997 793 km) məsafədəki son məntəqəsinə çatıb. Peyk gündəlik olaraq Yerə şəkillər göndərməyə davam edir və günəş qasırğalarını izləyir. Lakin yerə qayıtmaq üçün və ya Yer-Ay sistemindən qaçmaq üçün raketin ikinci mərhələsinin kifayət qədər yanacağı qalmamasından 2015-ci ilin fevralından bəri xaotik orbitlə hərəkət edir.
Hesablamalara görə, raketin hissəsi martın 4-də Ayın qaranlıq səthinə düşəcək və hadisənin Yerə təsiri olmayacaq.
Son şərhlər