Hollivudun ilk Tesla Diner & Drive-In qapılarını açdı. Tesla texnologiyaları ilə təchiz edilmiş restoranda Optimus adlı insanabənzər robot müştərilərə popkorn təqdim edirdi.
Elchi.az xəbər verir ki, Tesla-nın qurucusu İlon Maskın çoxdan gözlənilən “Tesla Diner & Drive-In” konsepti nəhayət Hollivuda gəlib.
Keçmiş Shakey’s Pizza-nın yerində tikilmiş restoran bazar ertəsi, iyulun 11-də, saat 16:20-də açılmışdır.
Onlarla Tesla pərəstişkarı günlər öncədən növbəyə düzülərək qapıların açılmasını saatlarla gözlədilər. Girişdə qonaqları konki sürən ofisiantlar qarşılayıb, onlara dondurma verilib.
Menyuda qızardılmış toyuq və vafli, qızardılmış pendirli sendviçlər və tuna tostu kimi klassik amerikan yeməkləri, həmçinin “Elektrik sousu ilə Tesla Burger” kimi tematik yeməklər var idi. Qiymətlər 4-15 dollar arasında dəyişir.
Optimus adlı robot popkorn təqdim edib.
Restoranda Teslanın insanabənzər robotu Optimus da var idi. Robot ikinci mərtəbədəki terrasda qonaqlara popkorn təqdim edib. Bəzi ziyarətçilər robotla əlaqə saxlayıb, ürək formalı jestlər etməyə çalışıblar.
Retro-futuristik dizaynı ilə diqqət çəkən məkan həm də açıq səma altında kinoteatr kimi fəaliyyət göstərir. Açılış günü 1960-cı illərin məşhur “The Jetsons” cizgi filmi nümayiş etdirildi. Tualetlər kosmik gəmi mövzusunda bəzədilmişdi.
Şayəstə Hüseynova
