İlin əvvəlindən ABŞ-da silahlı zorakılıqlar nəticəsində 17 min 737 nəfər həyatını itirib.
Elchi.az xəbər verir ki, bu gün ABŞ-da “Milli Silah Zorakılığı Maarifləndirmə Günü” kimi tanınır və buna görə də ölkədə silah zorakılığı yenidən müzakirə olunur.
Ölkədəki silahlı zorakılıqları arxivləşdirən Silah Zorakılığı Arxivinin (GVA) məlumatına görə, bu il ABŞ-da 268 kütləvi atışma həyata keçirilib.
Son 5 ayda ABŞ-ın müxtəlif bölgələrində silahlı zorakılıq nəticəsində 17 min 737 nəfər həyatını itirib, 14 min 723 nəfər yaralanıb. Silah zorakılığının qurbanları arasında 0-11 yaş arası 113 uşaq və 12-17 yaş arası 642 uşaq var. 0-17 yaş arası yaralanan uşaqların sayı 1894 olaraq qeyd edilib.
Polisin iştirakı ilə silahlı insident nəticəsində 587 nəfər həyatını itirib, 361 nəfər yaralanıb.
Silah Zorakılığı Arxivinin məlumatlarına görə, 2022-ci ildə silahlı zorakılıq nəticəsində 44 min 362 nəfər həyatını itirib, 38 min 592 nəfər isə yaralanıb. Yenə ötən ilin məlumatlarına görə, 0-17 yaş arası 1683 uşaq silahlı zorakılığın qurbanı olub, 4487 uşaq isə yaralanıb.
Nuranə Məmmədova
Son şərhlər