Azərbaycan Prezidenti İlham Əliyev bu gün Fransanın paytaxtı Paris şəhərində törədilmiş terror aktı ilə əlaqədar fransalı həmkarı Fransua Ollanda başsağlığı verib
“Hörmətli cənab Prezident,
Parisdə törədilmiş amansız terror aktı nəticəsində insanların həlak olması və yaralanması xəbəri bizi sarsıtdı.
Bu dəhşətli hadisədən son dərəcə hiddətlənir, terrorizmin bütün təzahürlərinə qarşı qətiyyətlə mübarizə aparılmasını hər cür dəstəkləyirik.
Baş vermiş faciə ilə əlaqədar Sizə, həlak olanların ailələrinə və yaxınlarına, bütün Fransa xalqına öz adımdan və Azərbaycan xalqı adından dərin hüznlə başsağlığı verir, yaralananların tezliklə sağalmasını arzulayıram”.
Xatırladaq ki, bu gün şəxsiyyətləri hələ müəyyənləşdirilməmiş terrorçular “Charlie Hebdo” satirik jurnalının redaksiyasına hücum edərək, 12 nəfər əməkdaşını güllələyərək, qətlə yetiriblər.
