İran mətbuatında yer alan xəbərlərə görə, Kriştiano Ronaldo İranda “zina cinayəti”nə görə 99 şallaq cəzasına məhkum edilə bilər.
Elchi.az xəbər verir ki, İddia Rouydad24 saytında yer alıb. Xəbərə görə, İran məhkəməsi 38 yaşlı portuqaliyalı ulduzun 85 faiz iflic olan qadın rəssam Fatimeh Hamami ilə Persepolis matçı üçün gəldiyi Tehranda qucaqlayıb yanağından öpməsi ilə bağlı şikayət əsasında araşdırma başlatıb.
İran qanunlarına görə subay qadına toxunmaq zina sayılır. Bu səbəbdən bəzi iranlı vəkillərin Ronaldoya qarşı cinayət işi açdığı iddia edilir.
İran mətbuatında yer alan xəbərlərə görə, İran ədliyyə sistemi Ronaldonu 99 şallaq zərbəsi ilə cəzalandıra bilər. Belə bir vəziyyət yaranarsa, Ronaldo yenidən İrana gəlsə, bu cəzanı çəkməli ola bilər. Ancaq bu cəzanın bir istisnası var. Buna görə də, üzr istədiyini desə, hakim tərəfindən bağışlana bilər.
Şayəstə Hüseynova