“Hədəf”də valideynlərlə görüş keçirildi

“Hədəf” ali və orta ixtisas məktəblərinə hazırlıq kursları Azərbaycanda çox böyük nüfuza malikdir. Tədrisin keyfiyyətini nəzərə alaraq, mən də öz övladımın bu kursda ali məktəblərə hazırlanmasına razılıq vermişəm.
Yanvarın 14-də “Hədəf” kursunun Nizami filialında valideynlərlə görüş keçirildi. Kursun rəhbəri, gənc alim Məhəmməd Xankişiyev abituriyent hazırlığının keyfiyyətinin artırılması üçün həyata keçirdikləri tədbirlər barədə məlumat verdi. Kurs rəhbərinin müavini Məzahim Mustafazadə şagirdlərin dərsə davamiyyəti və davranışlarından danışdı. Natiqlər qeyd etdilər ki, şagirdlər vaxtdan səmərəli istifadə etsələr, daha böyük uğurlar qazanarlar.
Daha sonra M.Xankişiyev və Məzahim Mustafazadə valideynlərin suallarını cavablandırdılar.