ABŞ mediasında Hörmüz boğazındakı minaların tamamilə təmizlənməsinin 6 ay davam edə biləcəyi, ABŞ və İsrailin İrana qarşı hücumları ilə başlayan müharibə bitmədən bu prosesin reallaşma ehtimalının aşağı olduğu iddia edilib.
Elchi.az xəbər verir ki, “The Washington Post” (WP) qəzetinin adını açıqlamaq istəməyən üç rəsmi mənbəyə istinadən verdiyi məlumata görə, Pentaqonun yüksək rütbəli rəsmisi ABŞ Nümayəndələr Palatasının Silahlı Qüvvələr Komitəsinin üzvlərinə keçirdiyi gizli brifinqdə Hörmüz boğazındakı minaların təmizlənməsi ilə bağlı təxmini müddəti paylaşıb.
Minalardan təmizləmə əməliyyatlarının 6 ay çəkə biləcəyini və ABŞ-İsrail/İran arasındakı müharibə sona çatmadan bu fəaliyyətlərə başlanılma ehtimalının zəif olduğunu irəli sürən rəsmilər, bu zaman cədvəlinin həm demokratlar, həm də respublikaçılar tərəfindən məyusluqla qarşılandığını bildiriblər.
Mənbələr qeyd edib ki, Konqres üzvlərinə İranın Hörmüz boğazı ətrafında “20 və ya daha çox” mina yerləşdirmiş ola biləcəyi, həmçinin bəzi minaların GPS texnologiyası ilə uzaqdan idarə edilərək üzdürüldüyü, bu səbəbdən minaların yerləşdirilməsi zamanı ABŞ qüvvələrinin onları aşkar etməkdə çətinlik çəkdiyi barədə məlumat verilib.
Digər tərəfdən, Pentaqon WP-nin minalardan təmizləmə fəaliyyətlərinin nə qədər davam edə biləcəyi ilə bağlı suallarını cavabsız qoyub.
Məryəm
