Amerikalı ekoloqlar və hindular ABŞ Federal Aviasiya Administrasiyasını məhkəməyə veriblər. Onların fikrincə, agentlik İlon Maskın SpaceX şirkətinə Texasdakı kosmodromdan güclü raket buraxmaq üçün icazə verərkən ətraf mühitə etinasızlıq göstərib. Elchi.az bu barədə RİA Novosti iddiaçıların bəyanatına istinadən yazır.
Mühafizəçilərin fikrincə, “Super Heavy” raketi aprelin 20-də “Starship” kosmik gəmisi ilə birlikdə nadir tısbağa, quş və heyvan növlərinin, eləcə də qoruqların və ictimai çimərliklərin məskunlaşdığı ərazinin yaxınlığında Boka Çika kosmik mərkəzindən buraxıldıqdan az sonra partlayıb.
İddiaçılar, tənzimləyicinin SpaceX-ə növbəti beş il ərzində hər il 20 Starship/Super Heavy raketini buraxmağa icazə verdiyi məlumatlara istinad edirlər. Onlar artan nəqliyyatda ətraf mühit üçün təhlükə, ərazidə səs-küy və işıq çirklənməsi, raket tullantılarının düşməsi və yanğın riskinin artmasına işarə edir.
Mühafizəçilər həmçinin son beş ildə Boka Çikoda ən azı səkkiz partlayışın olduğunu təxmin edirlər. Onlar iddia edirlər ki, son partlayış nəticəsində 27 hektar qorunan torpaqda yanğın baş verib, 2019-cu ilin iyulunda isə eyni səbəbdən 60 hektar yanıb.
Daha əvvəl bildirilmişdi ki, Maska məxsus Tesla səhmləri SpaceX-in Starship raketinin partlamasından sonra 9 faizdən çox ucuzlaşıb.
Havar Şəfiyeva
