Dünən Hindistanın şimal-şərqindəki Assam əyalətində Hərbi Hava Qüvvələrinə məxsus qırıcı təyyarənin qəzaya uğraması nəticəsində iki pilot həlak olub.
Elchi.az xəbər verir ki, Hindistan Hərbi Hava Qüvvələri dünən təlim üçün Corhatdan havaya qalxan təyyarənin qəzaya uğradığını açıqlayıb.
Bəyanatda həyatını itirən iki pilotun mayor Anuc və kapitan Purveş Duraqkar olduğu bildirilib və bütün Hərbi Hava Qüvvələri personalının bu çətin dövrdə başsağlığı verdiyi və kədərli ailələrin yanında olduğu bildirilib.
Hərbi Hava Qüvvələrinin “Su-30MKI” qırıcı təyyarəsi dünən təlim üçün Assamdakı Corhatdan havaya qalxıb.
Təyyarə ilə son əlaqə yerli vaxtla saat 19:42-də olub, daha sonra radarlardan itib.
Bildirilib ki, təyyarə Corhatdan təxminən 60 kilometr aralıda qəzaya uğrayıb və axtarış-xilasetmə əməliyyatlarına başlanılıb.
Şayəstə
