Elchi.az ANI News-a istinadən xəbər verir ki,artan pələng hücumlarından sonra Hindistanın şimalındakı bəzi kəndlərdə axşam saatlarında komendant saatı elan edilib.
Uttarakhand əyalətinin Rixanikhal və Dhumakot inzibati rayonlarının bir çox kəndlərində axşam saat 7-dən səhər saat 6-a qədər komendant saatı tətbiq ediləcəyi açıqlanıb.
Aprelin 13 və 15-də pələng hücumu nəticəsində 2 nəfərin ölümündən sonra komendant saatı ilə yanaşı, eyni bölgələrdəki məktəb və uşaq bağçaları aprelin 18-dək bağlı qalacaq.
Səlahiyyətlilərin pələnglərin sıx ola biləcəyi ərazilərdə müşahidə aparacağı və pələng hücumundan zərər çəkmiş ailələr və ərazidə təhlükə altında olan evlərlə bağlı səlahiyyətlilərə təlimat verildiyi açıqlanıb.
Nuranə Məmmədova