Həmas Qəzzaya hücumlar və davam edən blokadaya qarşı beynəlxalq ictimaiyyəti yeni etiraz dalğasına çağırıb.
Elchi.az xəbər verir ki, Hərəkatın internet saytında dərc olunan bəyanatda sentyabrın 19, 20 və 21-də dünyanın paytaxtlarında nümayişlərə çağırış edilib.
Bəyanatda Qəzzada 2 milyondan çox insanın “blokada, hücumlar, dağıntılar və məcburi köç”lə üzləşdiyi vurğulanıb və “beynəlxalq səssizlik və çarəsizliyə qarşı ortaq səs” formalaşdırılmasının zəruriliyi qeyd edilib.
Həmas xüsusilə ABŞ və İsrail səfirlikləri qarşısında “qlobal qəzəb yürüşlərində” iştirak etməyə çağırarkən, tələbə hərəkatları, həmkarlar ittifaqları və parlamentlər “soyqırımı və məcburi köçü dayandırmaq, sərhəd qapılarını açmaq və təcili yardım çatdırmaq üçün” təzyiq göstərməyə çağırıblar.
Bəyanatda həmçinin Qəzzaya gedəcəyi açıqlanan Qlobal Sumud Donanmasına dəstək çağırışı da edilib.
HƏMAS bəyan edib ki, qarşıdakı günlər “Qəzzəyə hücumlara qarşı qlobal hərəkatın yüksəlişində yeni mərhələ” olacaq.
Nuranə Məmmədova
Çox təsirli bir çağırışdır. Həmasın səsi duyulmalı, Qəzzadakı vəziyyət beynəlxalq ictimaiyyətin diqqətində olmalıdır. Belə bir yürüşlərin keçirilməsi çox vacibdir. Ümid edirəm ki, bu çağırışa böyük dəstək olacaq.
Bu çağırış çox vacibdir, çünki Qəzzadakı insanlar çox çətin vəziyyətdədir. Onların səsi eşidilməlidir. Beynəlxalq ictimaiyyətin də bu məsələyə daha çox diqqət yetirməsinə inanmıram. Hələ görək nə olar, bəlkə də bu etirazlar nəsə dəyişər.