Obyektimin qanunsuz sökülməsi ilə əlaqədar dəfələrlə icra hakimiyyətinə müraciətlər etsəm də, müraciətlərimə bir kimsə məhəl qoymadı. 23 iyul 2015-ci il tarixdə isə, obyektimin qalan hissəsini də darmadağın etdilər. Belə olan halda Gəncə İnzibati-İqtisad Məhkəməsinə müraciət etmək məcburiyyətində qaldım. Keçirilən məhkəmə prosesində mübahisə doğuran problemim araşdırıldı və məhkəmə kollegiyası mənim xeyrimə qərar çıxartdı. Bütün bunlara baxmayaraq, icra başçısı Ramiz Yediyarov bu gün də problemin həlli ilə bağlı bağlı heç bir addım atmır, əksinə məni həbs etdirməklə, qohum-əqrəbama hədə mesajları göndərməklə məşğul olur. Hətta, o, məni hərbi xidmətdə olmamaqda da şantaj etməyə çalışır. Amma, onun diqqətinə çatdırmaq istəyirəm ki, mən hərbi xidmətdə olarkən, o, heç Gədəbəydə olmayıb. Qardaşım Xasay Əliyev isə, müharibə başlayandan atəşkəs dövrünə qədər, döyüş bölgələrində vuruşub və bu gün də müharibə veteranı statusuna malikdir. Hal-hazırda Xasay Əliyev Rusiya Federasiyası ərazisində sahibkarlıq fəaliyyəti ilə məşğul olmaqdadır.
Oqtay İbrahimoğlunun çıxışından sonra, əməkdaşımızın tikintisi başa çatdırılmış obyektə nə qədər vəsait xərcləmişdiniz deyə ünvanladığı suala, o cavabında cəmi 300 min vəsait xərclədiyini vurğulayır.
Digər sahibkar Əliyev Oqtay Qara oğlu da çıxışında qeyd edir ki, “12 fevral 2015-ci il tarixdə mənə məxsus 38kvm-lik mağazam, icra başçısının verdiyi qanunsuz tapşırıq əsasında yerlə-yeksan edilib. Ramiz Yediyarov icra başçısı təyin olunduqdan sonra, Vergilər Naziri Fazil Məmmədovun komandası ilə əlbir olaraq, bu gün də gədəbəyli sahibkarlara zülm etməkdədir. Haqqımı tələb edərkən isə, məni yerə yıxdılar, əl-qolumu bağlayıb 15 sutka həbs də etdilər. Sonra onu da bildirdilər ki, “gəl sənə 20 min manat pul verək, get yerində sakit otur və bu söz-söhbətlərə də son qoy”. Gədəbəy şəhər icra nümayəndəsi icra başçısının göstərişi ilə obyektimi yerlə-yeksan etdikdən sonra, özləri üçün həmin yerdə bina tikdirirlər. Mağazamın içərisində olan avadanlıqlarımı da vermirlər. Dəfələrlə biz sahibkarlar Prezident Administrasiyasına baş verən özbaşınalıqlarla bağlı müraciətlər ünvanlamışıq. PA-da bizi Tağı Tağıyev qəbul edərkən ona bildirmişəm ki, Ramiz Yediyarov məni yenə də həbs etdirmək istəyir.
Oqtay Qaraoğlu çıxışı zamanı onu da bildirir ki, Ramiz Yediyarovun bəzi problemlərin əmələ gəlməsində o qədər də günahı yoxdur. Daha çox günah yerli məmurlardadır. Həmin məmurlardan Qüdrət Paşayev, Namiq Məmmədov, Elxan, Zilfüqar İsgəndərov, Şahbaz və.s kimiləri, hal-hazırda arxasız sahibkarlara qənim kəsiliblər.
Cənab Prezident! Mətbuat vasitəsilə üzümüzü Sizə tutub, Azərbaycan Respublikasının prezidenti İlham Əliyev cənablarına bildirmək istəyirik ki, bizə köməklik edin. Mənim banka külli miqdarda borcum qalıb, ödəyə bilmirəm.
Əməkdaşımızın siz hansı bankdan nə qədər pul götürmüşünüz deyə sual etdikdə, Oqtay Qaraoğlunun cavabı belə olur ki, “Rabitə Bank”dan 50 min manat kreditə pul götürmüşdüm. İşlədiyim müddət ərzində 17 min manatını qaytarsam da, banka 37 min manat borcum qaldı. Mağazamı darmadağın etdiklərindən, həmin borcu ödəyə bilmədim.
Digər sahibkar Qasım Məmmədov isə çıxışı zamanı bildirdi ki, “obyektimi sökənlərə bildirdim ki, sökməyin, balalarımı bu obyektlə dolandırıram. Amma, onlar mənim xahişimə, yalvarışıma məhəl belə qoymadılar və 51 kvm-lik obyektimi yerlə-yeksan etdilər. Hal-hazırda 85 yaşlı anamın təqaüdü ilə yaşayırıq. Belə bir vəziyyətlə nə vaxta qədər dolana bilərik? İcra başçısının əməlləri o qədər qanunsuzluqlarla doludur ki, onları sadalamaqla qurtaran deyil.
Gədəbəydə piyadalar üçün nəzərdə tutulan səkilərdə apteklər də tikiblər. Görəsən onların marağı nədir, gözləri doymurmu? Əməkdaşımızın Qasım Məmmədova səkilərdəki apteklər kimə məxsusdur sualına, o cavab verir ki, həmin apteklərin hamısı Elşən Əliyevə məxsusdur.
Sonrakı çıxışçı Vaqif Səfərov da bildirir ki, “mən 1997-1998-ci illərdə 2645kvm-lik yer almışdım. Ramiz Yediyarovun göstərişi ilə həmin yer də zəbt olundu. İcra başçısı mənə bildirdi ki, “gədəbəylilər həmişə əl açıb dilənçiliklə məşğul olublar”. Amma, o bir şeyi dərk edib anlamayıb ki, vaxtilə Gədəbəydə nə işıqfor, nə də ki, dilənçi var idi.
İcra hakimiyyətinin arxitektoru və memarı sənədlərimi alıb baxsa da, cavabsız saxladılar. Onlar mənə bildirdilər ki, “ yaxşı olar ki, gedib məhkəməyə verəsən”. Cavab olaraq bildirdim ki, əlimdə bu qədər sənəd-sübut varsa, mən niyə məhkəməyə müraciət etməliyəm. Bu günədək əlimdən alınan torpaqların heç bir əvəzi ödənilməyib, haqqım icra hakimiyyəti tərəfindən tapdalanıb. Bu azmış kimi gəlnimi də məktəbdən çıxartdılar. Bu yolla mənə təzyiq edirlər. Bildirirlər ki, sənə məxsus ərazi yüksək gərginlikli elektrik xətlərinin altında yerləşir. Əgər bu belədirsə, o halda onlar niyə həmin yerdə özləri üçün böyük obyekt tikdirirlər.
Rəşad Səfərov adlı şikayətçi də bildirdi ki, “özüm Bakıda yaşasam da, Gədəbəydəki doğmalarımın obyektləri uçurdulub, dağıdılıb. Baş verən olaylarla bağlı icra başçısının 1-ci müavini Qüdrət Paşayevə müraciət etsək də, PA-na müraciət etmək niyyətimizi ortaya qoysaq da, Qüdrət müəllimin cavabı belə oldu. “PA-da Ədalət Paşayev adlı vəzifə sahibi var, o, mənim lap yaxın adamımdır, gedin hara istəyirsinizsə ora da şikayətinizi verin” deyir.
Səfərova Sahilə adlı şikayətçinin çıxışı isə, tamam fərli məzmunda oldu. O, çıxışı zamanı Gədəbəy rayon Məhkəməsinin hakimi Maarif Kazımovdan şikayətçi olduğunu söylədi. Çünki o, çıxışı zamanı bildirdi ki, hakim mənə deyir: “sənin əlində olan sənədlərin hamısı saxtadır”.
Daha sonra Həsən bəy adlı sahibkar da, söz alaraq onu vurğuladı ki, “mənə ayrılmış pay torpağının hələ də yerini tapa bilmirəm. Yeri məmurlara dəfələrlə müraciətlər etsəm də, onlar mənim müraciətlərimə məhəl qoymurlar. Bu da böyük şübhələrə yol açır”.
Konfransın sonunda Əliyev Oqtay İbrahim oğlu yekun fikrini belə tamamladı. “Gədəbəyin icra başçısı Ramiz Yediyarovun tapşırığı ilə məndən 150 min manat rüşvət istədilər. Mən istənilən məbləği verə bilmədim, yalnız 20 min manat şirinlik versəm də, çox keçmədi ki, obyektimi yerlə-yeksan etdilər”.
Son şərhlər