Gürcüstan Prezidenti Mariamroba (Müqəddəs Məryəmin vəfatı) bayramı münasibətilə 226 məhbusu əfv edib.
Elchi.az xəbər verir ki, dövlət başçısının administrasiyasının məlumatına görə, əfv qərarı azadlıqdan məhrumetmə cəzasına məhkum edilmiş 217 nəfərə və azadlıqdan məhrumetmə ilə əlaqədar olmayan cəza çəkən altı nəfərə şamil edilib, üç nəfərin isə məhkumluğu ləğv olunub.
Bəyanatda qeyd olunur ki, Gürcüstan Prezidenti tərəfindən müstəsna konstitusiya səlahiyyətlərinin həyata keçirilməsi humanizm prinsipinə və dövlət maraqlarına əsaslanır.
2019-cu ildə Gürcüstanın beşinci prezidenti Salome Zurabişvili əfv prosedurunda dəyişiklik etdi. Əfv Komissiyası ləğv olundu və həmin vaxtdan etibarən məhkumlarla bağlı iş materialları dövlət başçısının baxışına təqdim edilmək üçün Prezident Administrasiyasının müvafiq şöbəsi tərəfindən hazırlanır.
Qərar qəbul edərkən Prezident məhkumun şəxsiyyətini, cinayətin motivini və törədilmə şəraitini, sağlamlıq vəziyyətini, ailə vəziyyətini, yaşını, çəkilmiş cəza müddətini, davranışını və təqsirini etiraf edib-etməməsini, həmçinin zərərçəkmişin mövqeyini və digər müvafiq amilləri nəzərə almalıdır.
Yeganə
