Günəş bu yaxınlarda kosmik havada intensiv aktivlik dövrünü başladan dörd güclü Günəş alovunu buraxdı. NOAA Kosmik Hava Proqnozlaşdırma Mərkəzi bu alışmaların Yer kürəsinə təsirinin yaxın günlərdə hiss oluna biləcəyini açıqladı.
Elchi.az xəbər verir ki, proses 1 fevralda UTC vaxtı ilə 12:33-də X1.0 bal gücündə alovlanma ilə başladı. Təxminən 11 saat sonra, saat 23:37-də X8.1 bal gücündə daha bir nəhəng alovlanma baş verdi.
Fəaliyyət 2 fevralda davam etdi və müvafiq olaraq X2.8 və X1.6 bal gücündə daha iki alovlanma qeydə alındı.
X8.1 alışması qeydə alındı
Günəş alovları arasında “X sinifli” alovlanmalar Günəşin yarada biləcəyi ən güclü sinif hesab olunur. Son hadisədə baş verən X8.1 alovu yalnız 2024-cü ilin oktyabr ayından bəri qeydə alınan ən güclü hadisə deyil, həm də qeydə alınan tarixdə 19-cu ən güclü alovlanma kimi siyahıya daxil oldu.
Bütün bu alovlanmalar Günəş səthində yeni yaranmış və “RGN 4366” adlandırılan günəş ləkəsi qrupundan qaynaqlanıb. Günəş ləkəsinin Yerə doğru yönəlməsi yaxın günlərdə yüksək enerjili hissəcik hadisələrinin və Koronal Kütlə Atılmalarının (KKAT) ehtimalını artırır.
Şayəstə
