İŞİD terror qruplaşması girov saxladığı ingilis jurnalist Con Kantlini müxbir kimi işlədib. Musavat.com-un xarici
KİV-ə istinadən verdiyi xəbərə görə, videoda jurnalist kürd şəhəri Kobanidə görüntülənir. Bu barədə “Guardian” yazıb. Dünya KİV-ləri də məlumat verirlər ki, İŞİD jurnalisti özünə sərf edən reportaj hazırlamağa vadar edib. Və jurnalist də tam peşəkarlıqla bu reportajı hazırlayıb.
Video-rolikdə Kantli qara geyimdə Suriya-Türkiyə sərhədində yerləşən Kobanidən xəbər verir.
İngilis jurnalist Kobanidəki durumu İŞİD-in mövqeyindən təsvir edir, qruplaşmanın öz mövqelərini tərk eləməsi haqda informasiyanı təkzib edir. Onun bu iddialarını videogörüntülər müşayiət edir.
Britaniyalı jurnalist terrorçular tərəfindən 2012-ci ilin noyabrında, Suriyada oğurlanıb.
Son şərhlər