İranın Livana etdiyi xəbərdarlığa baxmayaraq, İsrail qüvvələri bu səhər Livanın cənubundakı çoxsaylı şəhərlərə hücumlarını davam etdirib.
Elchi.az xəbər verir ki, Livanın rəsmi xəbər agentliyi NNA-nın məlumatına görə, İsrail ordusu Nəbatiyyə əyalətindəki Qalaway şəhəri ətrafındakı ərazini artilleriya atəşi ilə hədəfə alıb.
Cənub qubernatorluğunun Cizzin şəhərindəki Əl-Qətrani ərazisi də İsrailin artilleriya hücumlarına məruz qalıb.
Livanın cənubundakı Tir şəhərində İsrail döyüş təyyarələri Abbasiya şəhərindəki Əl-Həmədiyə məhəlləsini bombalayıb.
İsrail ordusu həmçinin Tirdəki Deyr Qan, Ras əl-Ayn və Ramadiya şəhərlərinə hava hücumları həyata keçirib.
Müharibəni aparan İran Silahlı Qüvvələrinin bölməsi olan Xatəm əl-Ənbiya Qərargahı İsrailə qarşı hərbi əməliyyatların dayandırıldığını elan edib, lakin İsrailin Livana hücumlarını davam etdirəcəyi təqdirdə daha sərt cavab veriləcəyi barədə xəbərdarlıq edib.
Lakin İsrail mediası iddia edir ki, Baş nazir Binyamin Netanyahu Trampın xahişi ilə İrana hücumları dayandırmağa razılıq verib, lakin Livana hücumlar “tam güclə” davam edəcək.
Şayəstə
