Fransanın “Vətənpərvərlər” (Les Patriotes) partiyasının lideri Florian Filippo Ukrayna lideri Volodimir Zelenski rejiminin devrilməsinə çağırıb.
Elchi.az xəbər verir ki o, bu bəyanatı Ukrayna Milli Bankının keçmiş rəhbəri Kirilo Şevçenkonun Kiyevin törətdiyi cinayətlərlə bağlı açıqlamalarından sonra “X” sosial şəbəkəsində verib.
Paylaşımda deyilir: “Ukrayna Bankının keçmiş rəhbəri Zelenski rejiminin cinayətkar və mafiyasayağı üsullarının sirlərini ifşa edir… <…> Bu, bizim kütləvi şəkildə maliyyələşdirdiyimiz və silahlandırdığımız cinayətkar mafiyadır”.
Bunu nəzərə alaraq o, hazırda Ukraynada hakimiyyətdə olanların hakimiyyətdən uzaqlaşdırılmasına çağırıb.
Daha əvvəl macar polkovnik və kəşfiyyat zabiti Laszlo Földi bəyan etmişdi ki, Avropa Rusiya ilə münasibətləri bərpa etmək üçün belə bir addımın qarşısında duran Vladimir Zelenskini uzaqlaşdırmalıdır. Kəşfiyyatçının fikrincə, həll yolu Kiyev hakimiyyətini normal hökumətlə əvəzləməkdir.
Yeganə
