Fransanın şərqindəki Bourgoin-Jallieu şəhərində kolleksiya kartları üzrə ixtisaslaşmış bir mağazaya edilən basqında təxminən 80.000 avro dəyərində Pokémon kartları oğurlanıb.
Elchi.az xəbər verir ki, Fransız Mətbuat Agentliyinə (AFP) danışan mağaza meneceri hadisənin səhər saat 4:00 radələrində baş verdiyini bildirib.
Rəsmi məlumatda bildirilir ki, maskalı dörd nəfər əsas qapıdan keçərək “Smogtrade” mağazasından yüzlərlə kart oğurlayıb və sonra siqnalizasiya işə düşdükdən sonra maşınla qaçıblar.
Oğurlanan əşyaların demək olar ki, hamısı Yaponiya franşizası Pokémon-a məxsus olub.
Son illərdə kolleksiyaçılar arasında yüksək qiymətə satılan Pokémon kartları Fransada və dünyada tez-tez oğurluq hadisələrinin mövzusu olub.
2024-cü ilin fevral ayında Fransanın Renn şəhərində 100.000 avro dəyərində on minlərlə Pokémon kartı oğurlayan üç nəfər həbs cəzasına məhkum edilib.
Ötən ilin yanvar ayında İngiltərədəki ixtisaslaşmış mağazadan təxminən 87.000 avro dəyərində kartlar oğurlanmışdı, növbəti ay isə nadir bir Pikachu kartı hərracda 14,3 milyon avroya satılaraq rekord qırdı.
Şayəstə
