Fransanın cənub-qərbindəki Jironde bölgəsində günlərlə davam edən meşə yanğınları temperatur yenidən yüksəldikcə yeni yerlərdə alovlanıb. Yanğınsöndürənlər alovları nəzarət altına almaq üçün səylərini davam etdirirlər. Bölgədə temperaturun 40 dərəcəyə çatacağı gözlənilir. Hazırda Jironde bölgəsində 2000 yanğınsöndürən işləyir. Əvvəllər yanğınlardan təsirlənən 14 fərqli yerdə alov yenidən alovlandığı üçün təhlükə davam edir.
Elchi.az xəbər verir ki, bölgədə temperaturun 40 dərəcəyə çatacağı gözlənilsə də, oxşar temperaturun İspaniyaya da təsir edəcəyi proqnozlaşdırılır.
Minlərlə insan təxliyə edilib
Son həftə ərzində yanğınlar səbəbindən 70.000-dən çox insan təxliyə edilib. Təxliyə edilənlərin əksəriyyəti evlərinə qayıtmağa başlasa da, onlarla yaşayış məntəqəsi təhlükə altındadır. Fransa boyunca təxliyə edilənlərin sayı son zamanlar 220.000-i keçib.
Yanğınlarla mübarizə İspaniyada və qonşu Portuqaliyada davam edir. Portuqaliyanın Quarda bölgəsində 400 yanğınsöndürən üç fərqli istiqamətdə yayılan yanğını söndürməyə çalışır. Bordoda Hava Keyfiyyəti Pisləşir
Alovlar Bordo şəhər mərkəzinə 15 kilometr yaxınlaşsa da, şəhər birbaşa təhlükə altında deyil. Lakin yanğının Bordo və ətraf metropoliten ərazisinə mənfi təsirləri davam edir.
Şəhərdə hava keyfiyyəti xeyli pisləşib və çoxsaylı restoran və müəssisələr tüstü və kül səbəbindən bağlanmaq məcburiyyətində qalıb.
Lakanau yaxınlığındakı düşərgə sahələri tamamilə boşaldılıb və bölgədə təxminən 240 evin yanğınlar nəticəsində zədələndiyi və ya tamamilə məhv olduğu bildirilib.
Bu arada, Var bölgəsində yanğını başlatmaqda şübhəli bilinən bir şəxsin 15 ilə qədər həbs cəzası ilə üzləşdiyi bildirilib. 6 iyuldan bəri bölgədə baş verən yanğınlarla əlaqədar 184 nəfər saxlanılıb.
Şayəstə
