Fransanın zəlzələ yardımı çərçivəsində Mərakeşdə fəaliyyət göstərən yerli və beynəlxalq birliklərə 5 milyon avroluq yardım göndərilməsinə qərar verdiyi bildirilib.
Elchi.az xəbər verir ki, xarici işlər naziri Catherine Colonna, Fransanın BFMTV kanalına verdiyi açıqlamada, nazirliyin büdcəsində fövqəladə hallar üçün hazır saxlanılan fonddan 5 milyon avro yardım üçün Mərakeşə göndərəcəklərini söylədi.
Kolonna bu yardımın yerli və beynəlxalq yardım təşkilatları ilə yanaşı, ölkədə fəaliyyət göstərən fransız birliklərinə də paylanacağını bildirib.
Fransalı nazir Mərakeşdə bir çox fransız yardım təşkilatının bu sahədə fəaliyyətə başladığını, bəzilərinin isə bu ölkəyə köçdüyünü bildirib.
Fransanın hazır olduğunu bildirməsinə baxmayaraq, Mərakeş səlahiyyətlilərinin hələ də müsbət cavab vermədiyinə gəlincə, Kolonna Mərakeşin suveren bir dövlət olduğunu və onun qərarlarına hörmət etdiklərini bildirib.
Şayəstə Hüseynova
Son şərhlər